Thelma Ásdísardóttir

Klukk á mig

Ég var klukkuð af henni Grumpu og ætla að vera með þó að ég sé venjulega mjög dugleg að kasta öllu svona keðjubulli beint í ruslið. Ég á semsagt að segja frá 8 atriðum um sjálfa mig sem þið vissuð ekki og klukka svo 8 manns. Hér koma 8 smá leyndarmál um mig:

1. Fyrsta ljóðið sem ég samdi heitir "Valdimarakakan" en þá var ég 8 ára
2. Á unglingsárum stalst ég til að lesa ástarsögur systur minnar, en vildi ekki viðurkenna það af því ég skammaðist mín fyrir að lesa asnalegar ástarsögur.
3. Mér leiðast vel snyrtir garðar, ég kýs villta órækt.
4. Ég hef mjög gaman af útsaumi þar sem þarf að telja fyrir hverju spori, en gef mér aldrei tíma til að sauma.
5. Mér finnast beljur mest ógnvekjandi dýr á Íslandi (og naut)
6. Ég þekki ekki í sundur trjátegundir, í mínum huga heita tré bara, tré, grenitré og runnar.
7. Ég gekk einu sinni á glerhurð í banka eftir að mér hafði verið neitað um lán.
8. Mér finnast flestar bækur Laxness leiðinlegar og stórlega ofmetnar

Og þau sem ég ætla að klukka eru:
Ingibjörg Þ
Júlli
Dóra í Stígó
Sædís
Garún
Sunneva á ísafirði
Sigrún sveitó
Guðrún Þorleifs

Ef það er búið að klukka ykkur þá veðrur bara að hafa það, ég nennti ekki að tékka á öllum :)

Flokkur: Bloggar | 17.7.2007 | 17:41 | Facebook

Athugasemdir

jább, það er búið að klukka mig...á dönsku síðunni minni en ég tek bara þátt aftur...og nú á íslensku...þýði kannski bara hitt

SigrúnSveitó, 17.7.2007 kl. 19:03

YESSSHHH loksins einhver sem viðurkennir að tré eru bara tré! Og Halldór Laxnes er leiðinlegur............ég er EKKI ein lengur! fjúff hve mér er létt

kveðja

litla mamman

Litla mamman (IP-tala skráð) 18.7.2007 kl. 10:14

já beljur geta verið mjög ógnvekjandi og þá sérstaklega þegar þær trampa á fótunum á manni með risastórum klaufum í allri sinni 500 kílóa þyngd eða slá mann í andlitið með halanum sem beljan við hliðina
var nýbúin að skíta á! en það er ekkert miðað við vígahrossin sem Thelma veit allt um!!!

Grumpa, 18.7.2007 kl. 11:37

ha ha ha frábært mér finnst laxnes líka hundleiðinlegur, gott að heyra að það séu fleiri sem finnast hann boring

Sædís Ósk Harðardóttir, 19.7.2007 kl. 10:02

God, hvað ég er sammála með trétegundirnar. Þetta er grænt og það nægir. Ég veit þó að jólatré er ekki runni. Og þetta með að labba á gler ... svo hryllilega fyndið en samt svo hræðilega eitthvað ááááiiii!!! haha

Hugarfluga, 19.7.2007 kl. 22:10

Takk fyrir að samþykkja mig sem bloggvin