Vertu velkomin ágúst

Nú eru kaldari vindar farnir að blása og sólardagarnir ekki eins margir og fyrr í sumar.  Meira að segja hressandi rigning öðru hvoru.  Að vísu var sólin hátt á lofti í dag og skein hún skært á Gay Pride.

Annars finnst mér fínt að það sé að kólna og mér finnst rigningin æðisleg.  Ég er lítið fyrir svona hitamollu og endalausa sól.  Ég kýs frekar fersk og kalt loft, loft sem skilur eftir sig þá tilfinningu að lungun séu full af einhverju æðislegu.  Ég er líka með ofnæmi fyrir nokkrum tegundum af frjókornum og svifryki og fæ auðveldlega astma einkenni.  Þannig að svona margra vikna tímabil eins og kom í sumar finnst mér yfirleitt bara ergjandi.  Tómt vesen.

Mér finnst vetrarmánuðirnir alltaf bestir, ferskt súrefni, nógu dimmt á kvöldin til að ég geti kveikt á kertunum mínum og lesið bók eða horft á góða mynd án þess að allir í kringum mann séu að böggast yfir því "...að manni detti nú í hug að vera inni í svona góðu veðri" .

Þegar ég segi vinum mínum að ég sé alltaf virkari á veturna, það sé minn tími og að ég fái jafnvel þunglyndiseinkenni yfir hásumarið, þá horfir fólk stundum á mig eins og þau séu að hugsa: "Ææ, greyið hún, ætti ég að bjóða henni að tjá sig eitthvað um þetta?" Flestum finnst ég alveg á hliðinni með þetta

En alla vega þá fagna ég ágúst mánuði sem kemur með kulda og rómantískt rökkur á kvöldin og enn meira fjör í borgina, Gay Pride, Menningarnótt og dásamleg sólsetur.

Athugasemdir

[Bjarney Hallgrímsdóttir, 12.8.2007 kl. 00:37]

Guð hvað ég er fegin að lesa það að eitthver geti hugsanlega fengið þunglyndiseinkenni sín á sumrin, mér líður nákvæmlega svona.

Er eins og sprengja á veturna en líður oft ekkert of vel á sumrin  og að sjálfsögðu er maður ekkert að tjá sig um það við nokkra sálu því þá, já, þarf varla að segja meir

Líður samt ágætlega á sumrin, er alveg úti og allt það en eitthvað er það, ekki nærri eins drífandi og dugleg og yfir vetramánuðina...

Góð skrif hjá þér nýja bloggvinkona...

[Ruth Ásdísardóttir, 12.8.2007 kl. 10:11]

Æðisleg færsla hjá þér! ég er svo sammála með ágúst. Hann er svo rómantískur, með sólsetri, sumarið að kveðja og haustið á leiðinni....svolítið ljúfsár kannski?

[Grumpa, 16.8.2007 kl. 20:14]

ágúst/september er æðislegur tími. birtan er svo falleg og sólsetrin geta verið mögnuð svo maður tali nú ekki um haustlitina. á þessum tíma á maður að fara út í sveit til að njóta alls þessa sem best

[Linda Ásdísardóttir, 16.8.2007 kl. 23:26]

Já, haustið er flottur tími, tími athafna í mínum huga

[Garún, 16.8.2007 kl. 23:42]

Minn tími hefur alltaf verið jól og janúar.  Því kaldara því betra, því meiri skafrenningur því skemmtilegra.   Snjóblásnar rúður, rokhljóð, teppi, kakó og góð spennusaga.  Er lífið ekki dásamlegt.  

[Bjarney Hallgrímsdóttir, 18.8.2007 kl. 01:55]

Thelma, mig langar svo að geta skrifað þér smá bréf, svona privat.  Er eitthver leið að koma því við.

Ef svo er máttu senda mér línu og ég get þá skrifað þér til baka.

E-mailið mitt er [e-mail]

[Laufey Ólafsdóttir, 18.8.2007 kl. 10:09]

Ég er sólarmanneskja út í eitt og hata kulda með mikilli ástríðu. Ég á hinsvegar nokkra vini sem eru eins og þú sem þykir ég mjög óeðlileg. Fólk er misjafnt og það er í fínu lagi! Mér finnst reyndar birtan falleg í ágúst en nú er orðið fullkallt fyrir minn smekk, enda er ég komin með flensu.

Gleðilega menningarnótt!

[Guðrún Þorleifs, 18.8.2007 kl. 20:44]

Ég er sólskinsbarn og hjá mér skín sólin alltaf. bara mismikið

Bull er þetta