Breiðavíkursamtökin

Ég var svo lánsöm að fá að vera viðstödd þegar ný samtök voru stofnuð á sunnudagskvöldi síðasta, "Breiðavíkursamtökin". það var mikill kraftur í salnum og ég óska þeim innilega til hamingju með þessi nýju flottu samtök. Það verður gaman að fylgjast með þeim í framtíðinni. Samtökin eru ætluð fólki sem þurftu að að búa á ríkisreknum barnaheimilum á árunum 1950-80.
Það flaug í gegnum huga minn hvort svona samtök yrðu stofnuð einhvern tíma aftur seinna í framtíð Íslands. Ég vona svo sannarlega ekki. Vonandi lærum við svo mikið af þessu hugrakka fólki og sögum þeirra að þess þurfi ekki.
Aftur til hamingju og gangi ykkur allt vel

Athugasemdir

[Kristján Kristjánsson, 2.5.2007 kl. 23:34]

Vonandi heyrir þetta sögunni til en ég held það þurfi ætíð að halda umræðu og fræðslu gangandi. Við erum svo fljót að gleyma við Íslendingar. Óska þessum samtökum góðs gengis.

[SigrúnSveitó, 3.5.2007 kl. 09:47]

[Júlíus Freyr Theodórsson (IP-tala skráð) 3.5.2007 kl. 11:23]

Ég held því miður að þörf muni reynast á því vistmenn á heimilum allt til þessa dags muni þurfa aðstoð. Það lagaðist ekki allt við myntbreytingu en ég vona að þessi samtök eigi eftir að blómstra, baráttukveðjur.

[Linda Ásdísardóttir (IP-tala skráð) 3.5.2007 kl. 22:09]

Já, mörg þessara barna lentu úr öskunni í eldinn. Gott að þessu var velt upp. Á eftir að velta einhverjum fleiri steinum við í samfélaginu? Það er gott að vita að fólk þorir!

[Ingibjörg Þórðardóttir, 7.5.2007 kl. 20:35]

Frábært framtak að stofna þessi samtök! Höldum áfram að halda umræðunni opinni og verum alltaf á verði.